Міжнародны канцэрн «Saint-Gobain» з штаб-кватэрай у Парыжы (Францыя) – сусветны лідэр шкляной прамысловасці і буйнейшы ў свеце вытворца мінералаватнай ізаляцыі. Канцэрн вырабляе будаўнічае шкло, аўтамабільнае шкло, бутэлечную тару для харчовай і парфумернай вытворчасці. «Saint-Gobain» ажыццяўляе сваю дзейнасць у 47 краінах свету, уваходзіць у першую сотню вядучых прамысловых карпарацый. У склад канцэрна ўваходзяць больш за 1400 кампаній, агульная колькасць супрацоўнікаў перавышае 200 тысяч чалавек. Падраздзяленне ізаляцыйных матэрыялаў канцэрна «Saint-Gobain» з’яўляецца буйнейшым у свеце вытворцай мінералаватнай ізаляцыі. Падраздзяленне налічвае 36 заводаў у Еўропе, ЗША, Бразіліі, Аргенціне і Кітаі.